I wrote this for some situation but was inspired by my guide, my best mentor ever...my best friend Vidz. Vidz, if ever there was a gift I cherish, it will be you forever!
Kaanpte hue hatheliyon ko joda tha maine
Maangi thi sirf khud ki zameer maine
Manzoor thi nahi tumhe meri woh koshish
Thukraaya tumne meri woh ik khwaahish
Jhukaaye apne sar ko, mud gaya teri deewar se
Thakah haara tha main, begaana apne pariwaar se
Jaane kahan se suni usne woh ankahi guzaarish meri
Badaaya haath hausle ka , karne aayi khwab meri puri
Mujhse zyaada meri taakat ko jisne samjha
Kamzori ko masbooti mein badla usne
Sharmaati hui sachchai ki zubaan ko jaane
Kaise bin hichke garajna sikhaaya usne
Har kadaam pe jo bani meri dhoop ki saaya
Mushkilon ko jisne mitthi ke dhool banaaya
Us khuda ki amaanat ko tumne todna chaha
Par woh na thami, usne toh hume jodna chaha
Ladaai ke maidan pe ban kar rahi woh meri dhaal
Bina miley, bina dekhe woh thi wahan mere aas paas
Jab jeet ka nagada bajaney aaye tum sab yahan
Najaane kahan thi wo, apne jeet ke jashn manaaye bina
Na dena mujhe ye vijay ki maala, ye keemti guldaste
Na laana ye mithai , na bharna phoolon se mere raste
Bas aaj mila do mujhe us pari se, jo kahin kho gayi hai
Mujhe khushiyon se mila ke, kyun dukhi ho gayi hai?
Kya hai ye jeet , kaisi hai ye izzat nayi
Jab tha main kamzor, jab koi nahi tha saath
Tab thaame jin haathon ne mere jhuke hue kandhe
Aaj milaane do mujhe un haathon se apne haath.
No comments:
Post a Comment